امروز: شنبه ۲۶ آبان ۱۳۹۷
 
تاريخ انتشار: ۷ شهریور ۱۳۹۵ کد خبر: 5167

انده ونگ هــدامه هیچکی مه ور تا اسا نمو انده گــوش بکشیمـه مـه دوره ور صدا نمو

تنهایی میر حمزه

انده ونگ هــدامه هیچکی مه ور تا اسا نمو

انده گــوش بکشیمـه مـه دوره ور صدا نمو

گــوم بیمه غــریبه شر خلتـومه کـه تینارمه

لــوج بیمه مـن درسی دیـاری ونگه وا نمو

چشــه اصلــی کـلنه نـــم نــم وارشه واری

برمه شیر کنده مره مه حال نخاره جـا نمو

درد دره مه دله ور غصه مره تپ بزوهه

درد خلــوهه زندگی مـه سرخنه صفــا نمو

اینجه نا صحـرا دره نا گـالشونه ونگه وا

هچـــی پنجـــه بـزومه ، چمـره للــوا نمو

گنی تقــدیر منه ! تا کی ونــه درد بکشم؟

مه کـار و بار زندگی ، فقـط کــه اشتبا نمو

همش ونگ کمبه خدا وه هسه دسه ماسنه

مه نفس از وه رجه ، دل ونه جا جدا نمو

اتی تب زمبی اما راحاتی ره  شه زندگی

نمبه شه درد دلـه ،  گمبــه مـه سر بلا نمو

مه حواس گوم بهییه هیچکی ره نشناسه وه

شاید دلتنگه ته سه ، ته ور ملـه ملا نمو

انـده شعـر بساتمـه ورق ورق بیـه کتاب

آخه سرنوشت مه ور اتا پریک وه را نمو

پیر بیمه مـه سر مــی درسی اسبه بهییه

مه دل بد کنده چمر هنتا خـاره صدا نمو

طاهری ی دل همش روش کشنه اتخله شعر

ونـه لب زمزمه دائم بجــز اون خــدا نمو

***

میر حمزه طاهری هریکنده ای نوپا

اشتراک گذاری مطلب
[Ask] [Facebook] [Google] [Twitter] [Yahoo!] [Email]

نظرات کاربران

ارسال نظر

تازه ترین ها

آرشیو مطالب

آمار بازديد